1 
0 
19 ઓગસ્ટની ઘટનામાં તપાસને નવી દિશા; રૂમ બદલવા પાછળનું રહસ્ય, ત્રીજા યુવકની એન્ટ્રી અને એમ્બ્યુલન્સ બોલાવવામાં થયેલા વિલંબે વધારી શંકાવડોદરા: શહેરના દાંડિયા બજાર વિસ્તારમાં આવેલી હોટલ વિન્ટેજ ઈનમાં યુવકના રહસ્યમય મોતનો મામલો દિવસેને દિવસે વધુ ગૂંચવાતો જઈ રહ્યો છે. 19 ઓગસ્ટની રાત્રે બનેલી આ ઘટનામાં શરૂઆતથી જ અનેક સવાલો ઊભા થયા હતા, પરંતુ હવે રૂમ નંબર 304 અને 302 વચ્ચે બનેલી ઘટનાઓ, ત્રીજા વ્યક્તિની હાજરી અને યુવકની તબિયત લથડ્યા બાદ પણ એમ્બ્યુલન્સ બોલાવવામાં થયેલા વિલંબને કારણે સમગ્ર મામલો વધુ રહસ્યમય બન્યો છે.મળતી વિગતો મુજબ, મૃતક યુવક અને તેનો મિત્ર 18 ઓગસ્ટની મોડી રાત્રે હોટલ વિન્ટેજ ઈનમાં પહોંચ્યા હતા. બંનેને શરૂઆતમાં રૂમ નંબર 304 ફાળવવામાં આવ્યો હતો. જોકે, રૂમમાં વીજળી અને લાઇટની સમસ્યા સર્જાયા બાદ રૂમ બદલવાની વાત સામે આવી હતી.રાત્રે ત્રીજા યુવકની એન્ટ્રીથી ઊભા થયા નવા સવાલોતપાસમાં એવી વિગતો પણ સામે આવી છે કે રાત્રે લગભગ 3:05 વાગ્યે એક ત્રીજો યુવક હોટલમાં પહોંચ્યો હતો અને રૂમ નંબર 304 સુધી ગયો હતો. થોડા સમય બાદ તે હોટલની બહાર નીકળ્યો હતો. આ ત્રીજો યુવક કોણ હતો, તેને હોટલમાં કોણે બોલાવ્યો હતો અને રૂમની અંદર ત્રણેય વચ્ચે શું બન્યું હતું, તે હવે તપાસનો મહત્વનો મુદ્દો બની ગયો છે.રૂમ 304માંથી 302માં ખસેડાયા બાદ શું થયું?રૂમમાં લાઇટની સમસ્યા સર્જાયા બાદ હોટલ સ્ટાફ દ્વારા રૂમ નંબર 302 ફાળવવામાં આવ્યો હોવાનું સામે આવ્યું છે. પરંતુ તપાસમાં સૌથી મોટો સવાલ એ ઊભો થયો છે કે મૃતક યુવક રૂમ બદલવા પોતે ચાલીને ગયો હતો કે તેને અન્ય વ્યક્તિ દ્વારા એક રૂમમાંથી બીજા રૂમમાં લઈ જવામાં આવ્યો હતો?મળતી વિગતો અનુસાર, રાત્રે આશરે 3:20 વાગ્યે યુવકને રૂમ નંબર 304માંથી રૂમ નંબર 302 તરફ લઈ જવામાં આવ્યો હતો. આ સમયગાળા દરમિયાન હોટલના રૂમમાં શું બન્યું હતું, તે સમગ્ર ઘટનાની તપાસનું કેન્દ્ર બન્યું છે.ત્રીજો યુવક 3:25 વાગ્યે હોટલમાંથી નીકળી ગયોતપાસમાં સામે આવેલી વિગતો મુજબ, હોટલમાં આવેલા ત્રીજા યુવક હોટલમાંથી આશરે 3:25 વાગ્યે બહાર નીકળી ગયો હતો. ઘટનાની રાત્રે તેની હાજરી અને બાદમાં અચાનક હોટલ છોડીને જવાના કારણો અંગે પણ પોલીસ તપાસ કરી રહી છે.સવારે 6:30 વાગ્યે એમ્બ્યુલન્સ બોલાવવામાં આવીઘટનાનો સૌથી ગંભીર અને ચોંકાવનારો મુદ્દો એ છે કે મૃતક યુવકની તબિયત બગડ્યા બાદ તાત્કાલિક તબીબી મદદ કેમ લેવામાં આવી નહીં? મળતી માહિતી મુજબ, સવારે આશરે 6:30 વાગ્યે હોટલમાંથી એમ્બ્યુલન્સ બોલાવવામાં આવી હતી. ઘટનાના સમય અને એમ્બ્યુલન્સ બોલાવવામાં આવેલા સમય વચ્ચેનો મોટો તફાવત હવે તપાસનો મહત્વપૂર્ણ મુદ્દો બન્યો છે.યુવકની તબિયત લથડ્યા બાદ તરત સારવાર કેમ આપવામાં આવી નહીં? રૂમની અંદર હાજર લોકો દ્વારા તાત્કાલિક હોટલ સ્ટાફને જાણ કેમ ન કરવામાં આવી? અને લગભગ ત્રણ કલાક સુધી શું બનતું રહ્યું? આ તમામ પ્રશ્નોના જવાબો હવે તપાસમાં શોધવામાં આવી રહ્યા છે.રૂમ 304 કે રૂમ 302? મોતનું રહસ્ય હજુ અકબંધહવે સૌથી મોટો સવાલ એ છે કે યુવક સાથે ઘટના ખરેખર રૂમ નંબર 304માં બની હતી કે પછી રૂમ નંબર 302માં? રૂમ બદલવાની ઘટનાથી લઈને ત્રીજા યુવકની હાજરી અને ત્યારબાદ એમ્બ્યુલન્સ બોલાવવા સુધીની સમગ્ર સમયરેખા પોલીસ અને તપાસ એજન્સીઓ માટે મહત્વપૂર્ણ બની છે.