0 
0 હાઈકોર્ટમાં મામલો પહોંચ્યા બાદ ગૃહ વિભાગ એક્સનમાં સમગ્ર ઘટનાક્રમ અંગે DCP પાસેથી ખુલાસો માંગ્યોસુપ્રીમ કોર્ટ અને હાઈ કોર્ટ ના વિરોધ જઈ આરોપીઓ સાથે ગેરવર્તન મુદ્દે 15 દિવસમાં જવાબ રજૂ કરવાનો આદેશ
સુરતના સલાબતપુરા વિસ્તારમાં હત્યાના પ્રયાસના કેસમાં ઝડપાયેલા પાંચ આરોપીઓને જાહેર રસ્તા પર ફેરવી માથા પર ફટકા મારવાના મામલે ગુજરાત હાઈકોર્ટમાં થયેલી સુનાવણી બાદ રાજ્ય સરકારના ગૃહ વિભાગે કાર્યવાહી આગળ ધપાવી છે.
આ સમગ્ર મામલે સુરતના તત્કાલીન ડીસીપી રાજદીપસિંહ નકુમને ગૃહ વિભાગ તરફથી શો-કોઝ નોટિસ ફટકારવામાં આવી છે.હાઈકોર્ટમાં આ કેસની સુનાવણી દરમિયાન ગૃહ વિભાગના ઉપસચિવ દ્વારા સોગંદનામું રજૂ કરી કોર્ટને જાણ કરવામાં આવી હતી કે સમગ્ર ઘટનાની તપાસ સુરત એસસીઆઈ/ક્રાઈમ બ્રાન્ચ દ્વારા કરવામાં આવી રહી છે.
તપાસ દરમિયાન પોલીસ અધિકારીઓની કામગીરી અને જવાબદારી અંગે પણ વિગતો સામે આવી હોવાનું સોગંદનામામાં જણાવાયું હતું.
કોર્ટ સમક્ષ રજૂ થયેલી વિગતોને ધ્યાનમાં રાખીને તત્કાલીન ડીસીપી રાજદીપસિંહ નકુમને 15 દિવસમાં પોતાનો ખુલાસો રજૂ કરવા ગૃહ વિભાગે સમય આપ્યો છે. નોટિસમાં સંબંધિત નિયમોના કથિત ઉલ્લંઘન અંગે તેમનો જવાબ માંગવામાં આવ્યો છે.
હાઈકોર્ટની નજર હવે આગળની કાર્યવાહી પરઆ કેસમાં ગુજરાત હાઈકોર્ટે સરકારને પણ સ્પષ્ટ નિર્દેશ આપ્યો છે કે સમગ્ર મામલે જે કોઈ પગલાં લેવામાં આવે તેની પ્રગતિનો અહેવાલ કોર્ટ સમક્ષ રજૂ કરવામાં આવે. પરિણામે હવે નકુમ તરફથી રજૂ થનારા ખુલાસા બાદ ગૃહ વિભાગ શું કાર્યવાહી કરે છે અને તપાસ કઈ દિશામાં આગળ વધે છે તેના પર નજર રહેશે.
મામલાની ગંભીરતા ધ્યાનમાં લઈને હાઈકોર્ટે અગાઉ પણ પોલીસની કામગીરી અંગે સવાલો ઉઠાવ્યા હતા. આરોપીઓને જાહેર રસ્તા પર લઈ જઈ માર મારવાના આક્ષેપોને લઈને થયેલી અરજી બાદ કોર્ટ સમક્ષ સમગ્ર ઘટનાક્રમ અને તપાસની વિગતો રજૂ કરવામાં આવી હતી.